Midasvibe

Entertainment At Its Peak

EDITORIAL

​Dremo’s Fix Up Your Bank Account Na The Realest Reply So Far, Don’t Agree? Get In Here

Dremo’s Fix Up Your Bank Account Na The Realest Reply So Far, Don’t Agree? Get In Here…

So Mr Incredible Abaga been stir Naija rap scene with hin controversial song Fix Up Your Lives. DMW act Dremo don enter booth and has dropped something he tagged not a reply to MI, but last last nah hin own sure pass. This whole issue na because of the comparison of Naija Rappers and our SA paddi’s dem, we dey compare but we don forget say South Africa dey more hip hop oriented than naija. We don forget say Naija Afro Pop dey sell pass SA Hip Hop, by all means we wan get rappers pass South Africa, we get good rappers but no be trap Olamide wan go dance to for club na? We want SHOKI abi WO, If I go wedding shey na Ice Prince Magic I go dance to? Make I come leave Reekado Banks Easy (Jeje) abi?
OK make we look into wetin Dremo Talk but first make I ask you two questions, You dey rap as career? Abi you dey rap because na just something wey you fit do? If na career, shey na success(Raba) you want? If your audience no gbadu your style who go buy your song come book you for show? How you wan even take blow if your sound no be wetin dem fans wan hear? No way abi? Ok make we analyse wetin Dremo Drizzy talk for Fix Up Your Bank Account….

1. ‘’IF YOU GET BARS AND YOU NO GET BAR OMO NA DAT WAY’’: Rapper man, your bars no go mean anything if you drop am and nobody gets to hear it. You get mad bars but nobody dey buy your song, what will we call you? Bros notin dey wrong with your bars but if you wan make am for naija, you need blend you style with pon pon small(Not selling yourself out totally). 16 bars no be 6 figures, make a living and make your momma proud son.
2. ‘’I SABI SAY I SABI RAP, BUT NAIJA NO TOO GBADU RAP’’: Which truth pass this one abeg? See dem Vector, Dremo, Sinzu, MI, Ycee, Uzikwendu and the likes. This rappers good but because dem no dey sound like Nasty C uncle MI talk say make dem fix their life but na him tell Milli make hin sound more street(Like Olamide), double standards abi? More flaws dey fall in.
3. ‘’NO GO FOLLOW ONE DIRECTION, FOLLOW PERSON WEY CARRY MAP’’: A word they say is enough for the wise, na where your money dey na der your head go dey. MI don set pace but fans don change their taste. Will MI and Mode9 pay your for being loyalists or the fans?
4. ‘’YOUR BANK ACCOUNT E GO NASTY C, CUZ E EMPTY LIKE THE SA RAP’’: LOL, this one crack me up and e dey sound somewhat dissy! But innit na the truth, I go fix up my life but first I must fix up my bank account then everything go fall in place. Dremo don declare, SA rap is empty dem no get anything ontop naija rap.

If you never hear the song download HERE

So uncle MI your wake up call need redress sha…

Written By Kamar Lima
DISCLAIMER: All wetin your read above na personal opinions of the writer not in any way associated with midasvibe.com

Leave a Reply

Young, Vibrant, Talented blogger and content developer from the mountainous city of Jos(Jtown).
%d bloggers like this: